പുകയില ഉല്‍പന്നങ്ങളില്‍ ഇനി പുതിയ മുന്നറിയിപ്പ്

, March 12, 2010

പുകയില ഉല്‍പന്നങ്ങളില്‍ വരുന്ന ജൂണ്‍ ഒന്നു മുതല്‍ പുതിയ ആരോഗ്യ മുന്നറിയിപ്പ്.  പുകയില ഉപയോഗം കാരണം വായയില്‍ ഉണ്ടാവുന്ന ക്യാന്‍സറിന്റെ ചിത്രം ആയിരിക്കും ജൂണ്‍ ഒന്നാം തിയ്യതി മുതല്‍ പുകയില ഉല്‍പന്നങ്ങളുടെയും സിഗരറ്റിന്റെയും പാക്കറ്റുകളില്‍ ഉണ്ടാവുക. നിലവില്‍ ഉണ്ടായിരുന്ന മുന്നറിയിപ്പുകള്‍ ഫലപ്രദമല്ല എന്നതിനാലാണ് പുതിയ മുന്നറിയിപ്പ്. കേരളം ഉള്‍പ്പെടെയുള്ള ഏഴ് സംസ്ഥാനങ്ങളില്‍ നേരത്തെ ഈ മുന്നറിയിപ്പ് പരീക്ഷിച്ചിരുന്നു. ഒറീസ, ബീഹാര്‍,അരുണാചല്‍ പ്രദേശ്, സിക്കിം, മധ്യപ്രദേശ്, ആന്ധ്രപ്രദേശ് എന്നിവയായിരുന്നു മറ്റ് സംസ്ഥാനങ്ങള്‍. ഇവിടെ ഫലപ്രദമാണെന്ന് മനസിലാക്കിയതിനാലാണ് ഇന്ത്യയൊട്ടാകെ വ്യാപിപ്പിക്കുന്നത്.